Napapalibutan na kan mga barko kan China an Pag-asa Islands asin Sabina Shoal sa West Philippine Sea (WPS).
Sa huring datos na iniluwas kan Philippine Navy, 71 barko kan China na pigbibilog kan 53 Chinese Maritime Militia Vessel (CMMV), siyam na People’s Liberation Army Navy (PLAN) asin siyam na China Coast Guard Vessel (CCGV) an na-monitor sa Sabina Shoal puon Aug 27 hasta Sept 2.
Dakula an piglingkaw kaini gikan sa 53 barko kan China na na-monitor sa lugar puon Aug. 20 hasta Aug. 26. Nagsakat man an numero kan mga barko kan China na na-monitor sa palibot kan Pag-asa Islands sa 52 puon Aug 27 hasta Sept 2, gikan sa 35 na na-monitor kan nakalihis na semana.
Sa pangkagabusan, 203 barko kan China an na-monitor sa manlaen-laen na features na kontrolado kan Pilipinas sa WPS na mas halangkaw gikan sa dating na-monitor na 163 na mga barko kan China.
