NAGA CITY- Nanutaran an bayanihan kan mga residente sa Barangay Triangulo, Naga City sa paglilinig sa saindang lugar.
Sigun ki Raymund Monex Arevalo, kapitan kan Triangulo Naga City, na sainda pang pigtatarabangan an mabusara na harani sa saindang barangay hall asin iba pang parte kan barangay.
Pig-ako man kan kapitan na bakong madali an pagpapalinig sa saindang lugar kun kaya nakiulay man ini sa iba pang mga personalidad asin ibang ahensya siring kan Water Government Unit, magin an mga residente an mga nagtatarabangan tanganing malinigan an saindang barangay na ikinaogma man kan nasambitan ng kapitan.
Soboot, malampas na sa duwang semana an saindang paglilinig o paghahali nin basura.
Sa ngunyan, liwat nagpagirumdom an kapitan sa publiko na magtabang sa paglinig sa saindang barangay sa paagi kan pag-apon nin basura sa tamang apunan.
