NAGA CITY – Tutugutan an bentahan kan paputok sa siyudad nin Naga sa Disyembre 22-24 asin Disyembre 29-31, 2025.
Sa entrevista kan Bombo Radyo Naga ki Nepthali Pabines Market Supervisor, Naga City People’s Mall sinaysay kaini na igwang may ordinansa sa pagpabakal nin mga paputok kun saen dapat sarong lugar sana an titindahan kan mga vendors.
An lugar na pupwede sanang pwestohan kan mga paratinda iyo an harani sa salog sa likod kan Naga City People’s Mall.
Mantang may mga petsa sana an saindang pagtinda pigsierto man ni Pabines na dae man soboot gagabaon an saindang mga ikikriar na pwesto kun dae pa tapos an petsa kan pagtinda.
Maduon na pigpapagirumdom ni Pabines na an saindang pigtawan nin permit an authorized na magtinda asin igwang designates na lugar para digde kun kaya kun siisay man igwang aram na may nagtitinda sa ibang area tolos na ireport sa PNP.
