Kumpiyansa si US President Donald Trump na dagos ng mapapalibre an mga bihag kan Hamas sa aldaw nin Lunes o Martes sa masunod na semana.
Sa pigkundusir na cabinet meeting ni Trump pig-orgulyo soboot kaini an pagbubusol kan peace deal sa pag-ultanan kan Israel asin Hamas.
Komo parte kan peace deal enot na ipapalibre an mga bihag kan parehas na lado asin ini na an paagi para sa panghaluyan na katuninongan sa Gaza.
Piglalaoman na sa laog kan 72 oras ipapalibre kan Hamas an 20 buhay na mga bihag na kapot ninda makalihis an pagpuon kan ceasefire.
Mientrastanto, maprubar man ining makapasiring sa Egypt tanganing mag-atendir sa pirmahan kan kasunduan sa pag-ultanan kan Hamas asin Israel.
Marurumduman na nagkasundo na an Israel asin Hamas makalihis an duwang taon na labanan.
