Inihayag ni Department of Public Works and Highways (DPWH) na saindang kukuonon an mga pinakadakula asin bistadong contractor za nasyon tanganing parekason asin masierto asin de-kalidad an gigibuhong rehabilitasyon kan Maharlika Highway.
An desisyon kan DPWH an kasunod kan direktiba ni Presidente Ferdinand Marcos Jr na matapos an rehabilitasyon kan Maharlika Highway sa laog kan duwang taon.
Sigun ki DPWH Sec. Vince Dizon, dae na ninda iinuton na kuahon an saradit na contractor asin an mas dakulang kumpanya an maribay sa mga ini para sa nasambitan ng proyekto.
Kaibahan sa mga nabanggit na posibleng kuanon sa pagpapakarhay iyo an EEI Corporation asin Megaworld Corporation.
Sinaysay pa ni Dizon na kakaulayon kaini an mga representantes kan duwang kumpaniya na napag-araman na dae nagbali sa mga bidding kun igwang proyekto an DPWH.
Obheto kan DPWH na maparekas an pagpapapakarhay sa pig-aapod na economic backbone kan nasyon asin mapagayon pa an mga biyahe siring man an mga kargamento sa mga primerong ruta.
Napag-araman na nadismaya an sekretaryo makalihis na mahiling an kondisyon kan highway kan magbisita asin maglibot ini puon Bicol hasta Samar.
