Ipigheras kan Department of Science and Technology (DOST) na posibleng ma recover pa an mga buto kan nawawarang sabungero kun ipig-apon talaga an saindang mga lawas sa Taal Lake.
Enot nang sinaysay kan whistleblower na si Julie “Dondon” Patidongan na piglubog soboot an mga lawas sa hararom na parte kam lawa sa Talisay, Batangas.
Ipinaliwanag ni DOST Secretary Renato Solidum na an laman kan lawas, an marekas ma-decompose, alagad an mga buto an pwedeng ma-preserve, depende sa irarom asin dakol kan oxygen sa tubig.
Enot na man sinaysay kan mga otoridad an kahagadan sa Japan para sa tabang sa paghahanap gamit an teknikal na kagamitan.
Imbes na magpadara nin divers, pigsuhestiyon ni Solidum na naggagamit nin kamera huli ta dae salbado an paglalangoy sa irarom na parte kan lawa.
Kasabay kan imbestigasyon, binaggit ni Patidongan an pangaran kan nagkapirang personalidad komo imbwelto sa kaso, mantang nag-usbong man an kontra-akusasyon kan extortion kontra sa whistleblower.
