NAGA CITY- Dawa na blangko pa nanggad sa ngonyan an Philippine National Police (PNP) sa posibleng motibo sa pananambang sa security escort kan alkalde kan banwaan nin Mulanay, Quezon, dae man piggigilid kan mga otoridad na posibleng personal na kaanggutan an rason sa nangyaring krimen.
Sa impormasyong nakua kan Bombo Radyo Naga hale sa Quezon Police Provincial Office (QPPO), napag-araman na hasta sa ngonyan, padagos pa an ginigibong mararumang imbestigasyon kan PNP Mulanay sa pambabadil subagong alas-5:10 nin aga sa biktima na si Ruben Pontilar Subia na security escort ni Mulanay Mayor Joselito Ojeda.
Pig-iimbestigaran suboot ngonyan kan pulisya an mga dating nakaiwal kan biktima na posibleng igwang koneksyon sa pambabadil.
Marurumduman na binadil an biktima kan mga riding in tandem suspects na marikas man na nagdulag makalihis an krimen.
Sa ngonyan, pigtaas na kan PNP an flash alarm status kan manlaen laeng units asin checkpoint operations sa mga pagtaraid na banwaan kan Mulanay para madakop an suspek sa nangyaring pambabadil.
