Ginatos na Katolikong social media influencers gikan sa manlaen-laen na parte kan kinaban an nagpasiring sa Vatican para sa sarong makasaysayng summit dapit sa pananampalataya sa panahon kan digital age.
Saro sa sainda si Sister Albertine Debacker, 29-anyos na madre gikan sa France, na igwang labi 300,000 followers sa Instagram asin milyon-milyong views sa Tiktok.
Kaibahan ini sa pig-aapod ngunyan kan Vatican na mga “digital missionary” – mga tawong naggagamit nin social media tanganing ipalakop an pananampalataya.
Komo parte kan “Jubilee of Youth,” pinangenotan ni Pope Leo XIV an sarong misa sa St. Peter’s Basilica para sa mga influencer.
Pig-enkaminar kaini an mga mga influencers na magkriar nin makabuluhang koneksiyon imbes na basta sana magluwas nin video.
Sigun man Cardinal Luis Antonio Tagle, bako sana soboot influencers an mga digital missionaries kun bakong mga dakilang influencer kan diyos.
Kaibahan man sa mga nag-atendir si Father Giuseppe Fusari, sarong modern priest na igwang tattoo, asin an Tiktok content creator na si Francesca Parisi, sarong dating bakong relihiyoso na ngunyan naghingowa na ibweltada an mga kajovenan na napaparayo sa simbahan.
