Pinahimutikan kan mga drug war victims an alegasyon an gikan sa kaban kan gobyerno asin pinondohan kan mga komunistang rebelde an pagbiyahe kan mga ini sa The Neherlands tanganing mag-atendir sa confirmation hearing ni dating Presidente Rodrigo Duterte.
Sigun ki International Criminal Court (ICC) Assistant to Counsel Kristina Conti, na pawang mga non-government organizations asin private individuals na nagsusuporta sa tamang paggulong kan ley an nagtabang para sa pagbiyahe kan mga biktima.
Hurot kaini na mayong anuman na kwarta gikan sa taumbayan para sa pagpondo sa mga biktima.
Dugang pa kaini na kadakol na mga nagsusuporta sa sainda huli man ta sinda an mga biktima man asin naghahanap nin hustisya.
Pig-angat kaini an mga nag-aakusar na patunayan kun sisay an nag-aakusa kan nasambitan ng alegasyon.
