NAGA CITY- Mataong bastanteng suplay kan tubig sa mga konsumedores kan Metro Naga Water District an mga dugang na pumping station.
Sa entrevista kan Bombo Radyo Naga ki Choppy Lianco Dela Cruz, PIO kan Metro Naga Water District, sinaysay kaini na saindang pig asigurar an bastanteng supply kan tubig sa mga konsumedores ngunian na tag-init.
Ini an dae soboot kukulangon nin huli ta igwang limang mga dugang na pumping station na saindang pigbugtak sa parte kan Baranggay Pacol asin Carolina.
Alagad pig-ako man kan opisyal, na nagtitinir na igwang problema sa supply nin tubig sa may parte kan Canaman (Manggayawan, San Vicente, Poro), asin parte kan Camaligan (Gogon asin Dugcal) nin huli ta tig shutdown paramientras an Canaman Pumping Station nin huli ta ini 48-taon na nag ooperar asin tanganing dae makumpromesa pa an salud kan mga konsumedores.
Pigsaysay man ni Dela Cruz na igwang mga Lorry na maabot tanganing mapanuan an supply kan tubig sa mga nasambitan ng mga mga lugar.
Mientrastanto, mayo man nairehistro mga insidete kan panghahabon nin mga metro sa mga nakalihis na mga bulan makalihis na madakop an soboot kagibuhan kaini.
