Nagpresentar an piskalya kan gobyerno nin sarong testigo asin mga pidaso nin ebidensya sa pagdangog kan kaso nin kwalipikadong human trafficking laban sa pighali na alkalde kan Bamban na si Alice Guo asin sa saiyang mga ka-akusado sa Pasig Regional Trial Court Branch 167 na igwa nin koneksyon sa iligal na operasyon kan POGO sa Bamban, Tarlac.
An prosekusyon enot na pigpresentar komo testigo an sarong opisyal kan Presidential Anti-Organized Crime Commission (PAOCC) sa kapinunan kan pagdangog para sa petisyon na makapagpiyansa para ki Guo asin sa saiyang mga ka-akusado sa kaso.
Segun ki Prosecutor Olivia-Laroza-Torrevillas, an pag-atubang kan testigo iyo an pagtao nin overview o detalye kun pano ginibo an qualified trafficking sa laog kan Bao Fu compound kun sain yaon an POGO facility sa Bamban.
An mga pidaso nin ebidensya gagamiton tanganing ulangan an petisyon nin piyansa ni Guo sa kaso.
Sa nasambitan ng hearing, si Guo asin an saiyang iba pang mga ka-akusado nag-atendir sana sa paagi nin video conference asin magpapadagos sa Martes, Oktubre 22.
