NAGA CITY – Tinawan duon kan sarong abogado na 30 days sana makalihis na mag resign an sarong empleyado sa saiyang kompanya an dapat maresibe na kaini an saiyang back pay orog na kun nakumpleto na kaini an gabos na requirements na kinakaipuhan.
Sa entrevista kan Bombo Radyo Naga ki Atty. Anna Mari Apples Abarcar, legal counsel sa sarong law office, sinaysay kaini na an back pay kaya an computation kan aldaw na pigtrabaho kan sarong empleyado kaibahan na an mga unused credit na leave na naka depende sa kontrata magin an mga benifits na pigtao sainda.
An gabos na ini soboot an dapat na makua kan sarong empleyado kaibahan an saiyang final pay.
Dugang pa ni Abarcar na entitled man giraray na makakua nin back pay an mga empleyado na dae toltol na nakapag resign sa saindang mga kompanya.
Ini nin huli ta responsibilidad soboot kan saindang mga employer na na bayaran an saindang pinagtrabahuhan.
