NAGA CITY – Tinawan duon kan sarong abogado na obligasyon kan sarong employer na tawan nin Certificate of Employment an saindang mga nag resign nang empleyado.
Sa entrevista kan Bombo Radyo Naga ki Atty. Anna Mari Apples Abarcar, legal counsel kan sarong law firm, sinaysay kaini na basado sa DOLE labor advisory sa laog kan tolong aldaw makalihis na magrequest an sarong empleyado nin COE an dapat na ining maitao kan saindang dating kompanya.
Dugang pa ni Abarcar, dawa na nag-AWOL o dae nagin marhay an pagreresign kan sarong empleyado kaipuhan pa man giraray ining tawan kan nasambitan ng sertipikasyon.
Alagad, enkaso nagsayuma an kompanya na magtao nin COE pupwede an mga ining ireklamo sa Department of Labor and Employement tanganing mapag-ulayan an nasambitan ng isyu.
Apwera pa digdi igwa nin karampatang penalidad na kakahampangin an sarong employer kun dae sinda kaini magtatao.
Sa ngunyan, payo na sana ni Abarcar sa mga empleyado na igwa nin problema sa saindang mga employer na mas makakamarhay na magrani asin maghagad nin asistensya sa DOLE tanganing masolusyunan an mga problema.
