NAGA CITY-Nakabaralik na sa mga kanya-kanyang mga harong an mga evacuees sa banwaan nin Presentacion makalihis man an Super Typhoon Pepito.
Sa nagin entrevista kan Bombo Radyo Naga ki Regina Bea-MDRRMO Officer Presentacion, pigsaysay kaini na dakula an saiyang pasasalamat na mayong nairehistrong casualty sa nasambitan ng banwaaan.
Kadakol soboot an mga residenteng pig ebakwar ninda sa nagin preparasyon antes pa man na mag abot an bagyo.
Nagkakanigo na preparado man giraray maski na pigsabing maluya sana asin dae direktang tatamaan kan nasambitan ng raot nin panahon.
Dugang pa man kaini, Igwa nin naikurit na danyos, siring kan nagkapira na totally damaged talaga an mga harong orog pa man su mga light materials na gibo dawa na ngani labi an pigsagibong pag bugkos kan mga ini.
Ngunyan na aga sana nakabaralik naman an mga nag ebakwar gikan sa mga evacuation centers sa banwaan nin Presentacion.
Katakod kaini, nag marahay naman an panahon asin kamugtakan kan dagat kaya man igwa nin nagkapirang parasisira an nakabalik na sa saindang paglalawod.
Pigsaysay pa man kan opisyal na dakulang tabang soboot an nagin 100% na kooperasyon kan mga residentes sa pigsagibong preparedness measures antes pa man na mag abot an bagyong Pepito.
Kakatapos naman soboot an pigsasagibong assessment kan engineering office sa gabos na mga tinampo sa gabos na mga barangay sa banwaan asin subsided naman an gabos na mga salog na nagin critical an level nin tubig kan nakalihis na aldaw.
Mientrastanto, nagpuon naman na maghiras nin mga relief packs an Local na gobierno asin igwa na nin nagkapira an nakipag koordinar sa munispyo dapit pa man sa siring na relief ops
