Nangapudan mga grupong pro-Palestinian nin boycott sa konsyerto kan Italyano na tenor na si Andrea Bocelli sa Nobyembre 27 sa Petra, Jordan, huli sa saiyang soboot suporta sa Israel.
Kan 2022, si Bocelli nagtugtog sa Tel Aviv sa atubangan nin mga paradalan na kabali si Prime Minister Benjamin Netanyahu. Kan 2010, nagkanta man siya sa sarong fund-raising event para sa sarong grupo na nagsusuporta sa militar kan Israel.
Segun sa BDS Movement sa Jordan, dai dapat magbakal nin ticket an publiko asin kanselaron an concert huli sa suboot suporta ni Bocelli sa Israel.
An konsyerto parte kan “Romanza” na paglibot sa kinaban ni Bocelli, na nagseselebrar kan ika-30 anibersaryo kan saiyang karera. Sinabi kan organisador na si Souha Bawab na an pasundayag makakatabang na mapalangkaw an kaaraman manungod sa Jordan sa bilog na kinaban.
An Petra sarong UNESCO World Heritage Site na midbid sa mga templo kaini na inukit sa rosas na gapo. Saro man ini sa mga pangenot na atraksyon kan mga turista sa Jordan.
