Nanindugan an Tindig Pilipinas na dae mapupundo an mga hiro protesta sa nasyon hasta sa dae nakakahiling nin progreso an publiko sa nagpapadagos na imbestigasyon sa mga maanomalyang flood control projects sa nasyon.
Sa sarong entrevista, inihayag ni Tindig Pilipinas Co-Convenor Kiko Aquino Dee na masagibo sinda nin mga hiro tuyong Biyernes hasta mayong marhay na progreso sa mga imbestigasyon na ini partikularmente na sa mga piggigibong pagdangog kan Independent Commission on Infrastucture (ICI).
Sigun ki Dee, an proresong mawot mahiling kan publiko asin kan iba pang mga progresibong grupo iyo an pagsusunad nin mga kasong kontra sa mga personalidad sa likod kan mga anomalyang ini asin mahiling na igwang makulong o manimbag sa soboot harabonan sa pondo kan bayan.
Hurot pa kaini, pirang bulan na kaya an nakakalihis puon kan pag-ulayan an isyu dapit sa ulayang ini alagad mayo pa man giraray nakukulong o natatawang linaw sa mga nasambitan ng anomalya kaya man maiintindihan man kun tano kadakol an dae satisfied sa nangyayaring imbestigasyon.
Mientrastanto, marurumduman man na kan nakalihis na Biyernes, Oktubre 10, nagsagibo na nin candle lighting an nagkapirang grupo parte man kan Trillion Peso March sa EDSA Shrine komo pangapodan sa komisyon na magluwas nin mga progreso sa saindang imbestigasyon.
