NAGA CITY-Pig-omaw kan mga nasa industriya kan mga para-orig an pagpapalawig nin taripa sa mga meat products.
Sigun sa Philippine Association of Meat Processors Inc.(PAMPI) asin Meat Importers and Traders Association(MITA), may magayon na kahihinatnan an pagpapalawig kan pagpapababa nin taripa sa mga pork asin mechanically deboned meat kan poultry hasta sa 2028 sa irarom kan Executive Order 62.
Pigsambit pa ni PAMPI vice president Jerome Ong na saindang mababawi na an pirang mga naglalangkaw na presyo kan pirang mga raw materials asin fuel tangani na mamantinir an saindang presyo.
Sa pagtataya kaini, naglalangkaw nin 10 hasta 15 percent an mga presyo kan mga raw materials.
Enot nang pigsambit ni Presidente Ferdinand Marcos Jr. na an EO na nagmamantinir nin hababang taripa sa mga poultry mechanically deboned meat makakatabang tangani na magin abot kaya an presyo kaini.
