Pigkumpirmar kan Department of Health na nagbaba na an numero kan mga indibidwal na naulakitan kan helang na Pertussis sa nasyon.
Sigun ki Health Secretary Ted Herbosa, nakakapagrehistro na sana an ahensya nin 50 kaso kan Pertussis kada semana.
Mas hababa an nasambitan ng numero kumparar sa nairehistro na 300 na kaso kada semana kan nakalihis na Abril.
Basado sa datos, nakapagrehistro an ahensya nin 131 na kaso kan Pertussis puon July 7 hasta July 20.
Mapakol man sa 77 case kan July 21 hasta August 3 asin 19 na kaso puon August 4 hasta August 17 an naikurit.
Paliwanag kan ahensya, resulta ini kan saindang isinagibong routine vaccination sa manlaen-laen na probinsiya sa nasyon.
Sa ngunyan, apat na rehiyon an nahilingan nin paglangkaw sa kaso kan nasambitan ng helang siring kan Cagayan Valley, Metro Manila, Western Visayas, asin Davao Region.
