Aram baya nindo mga ka-bombo, sa paglaog kan taong 2025 pormal naman na nagpuon an sarong bagong henerasyon na pig-aapod na Generation Beta.
Sigun sa demographer asin consultant na si Mark McCrindle, an gabos na mga omboy na ipapangaki sa taong 2025 hasta 2039, makakabali na sa bagong henerasyong ini.
Piglalaoman na an mga ini an mabubuhay hasta sa ika-22 na siglo asin pag-abot sa katahawan kan 2030s sinda na an mabilog kan nasa 16% na populasyon sa bilog na kinaban.
Piglalaoman man na an Gen Beta an mabilog sa 19% kan workforce kan bilog na kinaban sa nasambitan ng taon.
An mga Gen Beta an magigin aki kan mga millennials asin mas gurang na miyembro kan Gen Z.
Alagad, piglalaoman man na mahahampang soboot an Gen Beta sa major societal challenges sa saindang buhay, siring kan padagos na epekto kan climate change, shifting kan global population asin marekas na urbanisasyon sa mas kadakol na parte kan kinaban.
