Nagp-preparar an matawong silangang baybayon kan China kaining Dominggo sa pag abot kan Bagyong Dolphin, na nagkawsa nin lampas 1,000 kanselasyon nin mga flight, paglikas kan mga residente, asin pagpapaluwas nin pinakamataas na antas kan patanid kan mga awtoridad.
Halos 1,400 flight palaog asin paluwas kan duwang airpot kan Shanghai an nakansela kaining Linggo, segun sa state broadcaster CCTV.
Sa paliparan man kan Hangzhou sa harani na lalawigan kan Zhejiang, 270 inbound asin outbound flight an nakansela, segun sa ulat.
Ang Bagyong Dolphin, na nagdara nin makusog na uran asin paros sa Okinawa, Japan ining mga naka aging aldaw, an nilalaoman magla-landfall pag abot nin banggi nin Linggo o imaaga kan Lunes sa Zhejiang o sa kataid netong lalawigan kan Fujian.
Pitong katawo sa Okinawa an nagtamo nin minor injuries, kabali an sarong lalaki na lampas 100 taong anyos na tinalbo nin makusog na paros, bumagsak sa aga asin tumama an payo.
Pag abot nin Domingong hapon, nasa 5,290 kaharungan sa Okinawa an nawaran nin kuryente, segun sa regional utility na Okinawa Electric Power.
Sa Taiwan, dose-dosenang ferry service an sinuspinde asin lampas 180 flight an nakansela makalihis magdara an bagyo nin makusog na uran asin paros sa hilagang parte kan isla kaning Domingo.
Nagluwas man an China National Meteorological Centre (NMC) kan Domingo nin red typhoon alert, an pinakahalangkaw na antas kan patanid, asin nagpatanid nin “matinding buhos kan uran” sa pirang parte kan gitna asin silangang Zhejiang.
Nilalaoman man makararanas an makusog na pag-uran an Shanghai asin pirang parte kan Fujian, Anhui asin Jiangsu hasta Lunes nin hapon, segun sa NMC.
Makalihis mag-landfall an Bagyong Dolphin, nilalaoman na maluya ini mantang naghihiro pahilagang-kanluran sa silangang parte kan China.
Sa Fujian, halos 99,000 katawo an inilikas hali sa mga mapeligro na lugar kan Sabado nin banggi komo paghahanda sa pag baot kan bagyo, segun sa state news agency na Xinhua.
Sinuspinde man an serbisyo sa lampas 200 ferry route sa Zhejiang at Fujian, segun sa Xinhua.
Ipinundo man an operasyon sa mga offshore project mantang 474 construction vessel an ipinaapod pabalik sa mga pantalan kan Biyernes nin aga, dagdag kan Xinhua.
Pirang serbisyo kan tren sa mga apektadong lugar an sinuspinde man kaining Domingo tanganing masiguro an kaligtasan kan mga pasahero, segun sa state media.
Nag abot an Bagyong Dolphin sa China duwang semana makalihis hagupitin kan Bagyong Noul an katimugang lalawigan kan Guangdong, na idineklarang pinakamakusog na bagyong tumama sa China ngunyan na taon.
Tulong katawo ang nagadan asin ribo-ribong mga harong an nadamiran kan Bagyong Noul sa Pilipinas bago ini tumama sa China.
