NAGA CITY- Pormal nang pigtintaan kan Commission on Higher Education asin sarong bistadong Pharmaceutical Foundation an sarong kasunduan kasuudma.
Obheto an kasunduan na ini na makapagtao nin guidance counselors, health staff asin student leaders sa mga universities and colleges tanganing ilangkaw an kaaraman asin makatabang na malikayan an mga kaso kan pagpapatiwakal.
Sigun ki CHED chief Prospero De Vera , an mga school administrator asin faculty member an ibabali man sa Training of Trainers Program para sa suicide prevention.
Paliwanag ni De Vera, makakatabang ini tanganing magin sarong mabisang gatekeepers sa mga eskwelahan. Ini an sa paagi kan proper identification proper identification asin iba pang paagi.
Basado sa sarong pag-aadal kan 2021 kan University of the Philippines Population Institute , nagpahiling ini na 20 porsyento kan mga jovenes na Pilipino an nag-isip nin pagpapatiwakal.
Sigun man sa Department of Education, 404 na estudyante an nagadan huli sa pagpapatiwakal kan school year 2021-2022 mantang 2,147 man an nagporbar na magpagadan.
