NAGA CITY- Nakaresiber nin mga regalo an mga katutubong aki sa siyudad kan Iriga. Kun saen, nagtiripon ini sa Covered Court Plaza sa Zone 6, Sitio Quinartilan, Iriga City, para sa sarong espesyal na holiday outreach program kasuudma, Disyembre 27, 2024.
An nasambitan ng aktibidad an pig-organisar kan Bicol Press Club katuwang an Iriga City Police Station (CPS) personnel, na igwa nin themang “Pamaskong Handog Para sa mga Batang Katutubo”.
An mga naresiber man na regalo kan mga aki an igwa nin laog na pagkakan, bado asin iba pang pang-urualdaw na pangangaipohan kan mga ini na nagtao man nin kaogmahan sa sainda.
