Pigsierto kan Department of Justice (DOJ) na naggigibo sinda nin mga lakdang tanganing maparikas an paglaban sa korapsyon.
Sigon ki Justice Secretary Eric Vida, mas pinahigot ninda an pag-prosekusyon kan mga kasong may kinaaraman sa korapsyon sa pakikipagtabangan kan Office of the Ombudsman asin kan National Bureau of Investigation (NBI).
Ini suboot an mapakusog kan case build-up, mapakarhay an evidence management, asin maparikas an pagresolber kan mga inaapod na high-impact cases.
Sinaysay ni Vida na an korapsyon nakakaraot kan mga institusyon, nakakaraot kan mga pondo sa mga essential service, nakakaraot kan puhunan, asin nakakabawas kan tiwala kan publiko sa gobyerno.
Sa ibong kaini, aminado an sekretaryo na dae magiging pasil an mga pig-iimplementar na reporma huli sa mga sistema na naglalaban sa pagbabago.
Alagad sinaysay kaini na padagos sindang magibo nin mga lakdang arog kan pagpapakarhay kan mga audit system, digital transformation, asin iba pang mga lakdang tanganing mabawasan an mga oportunidad para sa manipulasyon asin mga pagkaatraso.
