Mayong rason tanganing mawalat an mga lokal na gobierno sa digitalization o technological advancement.
Sigun ki Presidente Ferdinand Marcos Jr., dapat samantalahon kan Local Government Units (LGUs) an paggamit nin teknolohiya para mas mapatibay asin maparekas an operasyon asin transaksyon kan gobyerno.
Ini man soboot an dahilan kun tano pinaiigting kan gobierno an LGU system na sarong electronic business one-stop shop.
Sigun sa presidente, kadakol nin delays sa mga transaksyon sa LGU maski sa simpleng dokumentasyon sana asin an mga ordinaryong Pilipino an nagdudusa digdi.
Dakulang bagay soboot an digitalization nin huli ta mapapakinabangan ini sa manlaen-laen na aspeto siring kan urban planning, pagdisenyo sa imprastraktura, asin sa simpleng proseso kan pagkua nin business permit.
