Igwa na ngunyan nin lakdang an Department of Trade and Industry (DTI) tanganing malikayan an mga jovenes na magbakal nin mga vapes asin pirang tobacco products sa online.
Sigun sa DTI na igwa na sindang kasugoan na pigpaluwas para sa mga online sellers kun saen marapat na magparehistro muna an mga ini antes magbakal kan nasambitan ng mga produkto.
Sa irarom kan Department Order 24-05 na gabos nin mga online sellers an marapat na sugoon an mga customers ninda na magparehistro antes ninda ipabakal an mga ini.
Sulamenteng nag-eedad 18-anyos pataas sana an tutugotan na makabakal kan nasambitan ng tobacco products.
Advertisement
Pigsierto man kan DTI na saindang babantayan an gabos nin mga online sellers kun saen mahahampang an mga ini sa magabat na kapadusahan.
Advertisement
