NAGA CITY- Nairehistro na suboot an pagkagadan kan nagkapirang mga manok sa banwaan nin Balatan sa probinsya nin Camarines Sur huli sa epekto kan ash fall na hale sa nag-aalburutong bulkang Mayon.
Ini makalihis na maabot naman sa banwaan asin sa iba pang mga lugar sa ikalimang distrito kan probinsya an abo na pigbubuga kan nasambitang bulkan.
Basado sa impormasyon hale sa Provincial Disaster Risk Reduction and Management Office (PDRRMO) Camarines Sur, nagadan suboot an nagkapirang mga manok sa banwaan nin Balatan makalihis na ma-suffocate an mga ini huli sa abo.
Nagrereklamo na man suboot nin pangungulog nin tulak an mga kaakian sa nasambitang banwaan makalihis na makasinghot nin abo hale sa Mt. Mayon.
Nakaka-eksperyensya naman nin eye irritation an mga parasira asin driver sa Balatan.
Mientrastanto, sarong indibidwal man hale sa ciudad nin Iriga an inatake suboot nin asthma huli pa nanggad sa namamatean na ash fall sa probinsya.
Enot kaini, nag-abot na sa labi sa 200 mga barangay sa pitong banwaan asin sarong ciudad sa Camarines Sur an labing apektado kan abo na pigbubuga kan Mt. Mayon.
