Kahagadan kan Metropolitan Manila Development Authority (MMDA) sa mga maparasyar orog na sa sa Metro Manila ngunyan na holiday season na maggamit kan public transport.
Sigun ki MMDA Chairman Romando Artes, ini an tanganing mabawasan an labing traffic na naeeksperyansiyahan sa Metro Manila ngunyan na paparani an kapaskuhan.
Dakulang tabang ini tanganing makabawas kan lunadan sa mga premirong tinampo kan Metro Manila siring na sana kan EDSA.
Marurumduman, nagkawsa nin labing traffic kan nakalihis na Sabado nin banggi sa Marcos highway huli sa holiday rush asin mga aksidente sa area
Posibleng madakol pa an mga lunadan sa mga sunod-sunod na Christmas party asin dakol pang pasiring sa Metro Manila tanganing magbisita asin magbakal nin panregalo ngunyan na pasko.
