NAGA CITY- Pigsaysay kan Department of Labor and Employment Bicol na igwang kabilugang 17,463 minimum-wage workers sa Rehiyong Bicol an kwalipikado tanganing magbakal nin bagas sa presyong P20 kada kilo sa irarom kan rice program ni President Ferdinand Marcos Jr.
Sigun man ki DOLE Regional Director Imelda Gatinao na an inisyatiba na ini an posible huli sa kasunduan sa pag-ultanan kan Chamber of Commerce, the Industry Tripartite Council, Food Terminal Incorporated (FTI), asin National Food Authority (NFA).
Apwera digde an saindang mga ka-partner na negosyo an nagsierto kan baratong kantedad kan bagas para sa mga kwalipikadong mga obrero.
Sa irarom kan programa na ini, an kada minimum wage earners an pwedeng magbakal nin nasa 10 kilograms kan bagas kada bulan.
An lakdang na ini an posibleng magpadagos hasta mawot na magtaong suporta kan mga employers.
.
An ceremonial launch kan P20 rice project an pigkundusir kasuudma.
Mientrastanto, an P20-per-kilogram rice para sa mga minimum-wage workers an ipapabakal sa Kadiwa stores sa selected areas asin sa mga nagpartisipar na business establishments.
An Benteng Bigas Meron Na an sarong mayor na inisyatiba sa irarom kan Marcos administration.
