Nagkasararo an mga lider kan Kamara de Representantes, Quad Comm, asin mga miyembro kan Young Guns sa pagtataong papuri ki Speaker Ferdinand Martin G. Romualdez sa nakua kaining halangkaw na public approval ratings na pigkokonektar sa mga trayumpo na naabot kan Mababang Kapulungan asin inklusibo asin matatag na pamamayo kaini.
Sigun kina Senior Deputy Speaker Aurelio “Dong” Gonzales, Deputy Speaker David “Jayjay” Suarez, asin Majority Leader Manuel Jose “Mannix” M. Dalipe, kahanga-hanga an kakayanan ni Speaker Romualdes sa pagtataguyod kan pagkasararo sa mga political parties.
Pigtawan-duon kan mga mambabatas na sa irarom kan pamamayo ni Speaker Romualdez, an naipasar kan Kamara an mga importanteng ley.
Binisto man ninda Reps. Robert Ace Barbers, Dan Fernandez, Joseph Stephen “Caraps” Paduano, Bienvenido “Benny” Abante asin Romeo Acop ng Quad Committee si Speaker Romualdez sa pagtataong importansiya kaini sa pananagutan asin marhay na pamamayo sa paagi kan pinatibay na mga tungkulin sa pagsusuri asin pangangasiwa.
Pigtawan-duon kan mga lideres kan mega pannel an mga presenteng imbestigasyon mapadapit sa dae tamang paggamit kan mga confidential fund, magin an mga pagsisiyasat manungood sa mga ilegal na Philippine Offshore Gaming Operators (POGOs) na igwang kaugnayan sa financial crimes asin iba pang iligal na gibuhon.
Sa parte man kan Young Guns kan kamara, pinasalamat kan mga ini si Speaker Romualdez sa saiyang paggabay asin inklusibong pamamayo.
Binisto man kan mga joven na kongresista an papel ni Speaker Romualdez sa pagtutok tanganing masierto na an saindang mga inisyatiba para sa kajovenan asin mga sektro na nasa laylayan an natatawan nin pansin sa lehislatura.
Sa pamamayo ni Speaker Romualdez, naabot kan Kamara an mga historyang trayumpo sa lehislasyon, nakapagproseso kan labi 4,760 na mga prosopwesto, asin napagtibay nin 166 na ley sa laog kan 178 na aldaw nin sesyon.
Pinuri man kan mga mambabatas an mga pagsisikap ni Speaker Romualdez tanganing mamantinir an sarong nagkakasararong asin marhay na working environment sa Mababang Kapulungan.
