Naga City- Nagpo-produce nin coco sap juice an Albay coconut farmers and by product processors agriculture cooperative na gikan sa tuba.
Sa nagin paghampang sa mga kagawad kan media ni Noel Credo, Chairman, pigsaysay kaini na an tuba pighaharvest amay nin aga asin sa laog kan tolo hasta apat na oras dapat makua an juice o an sap tangani man na ma-process asin kun malampas sa nasambitan ng oras magigin coco sap vinegar ini.
Dugang pa kan opisyal, igwa pa man soboot na pig-aapod na coco sap syrup asin igwang liquid hasta magin coco sugar asin ini na man an magigin final product gikan sa tuba.
An nasambitan ng produkto soboot an pigpapatunayan kan nasambitan ng kooperatiba na ini gikan gabos sa coconut.
Apwera pa digde, an kooperatiba nagdidistribwer man nin mga pantanom na pig-aapod na coconut varieties na hababa pa alagad nagbuburunga na siring kan tacunan dwarf coconut variety asin igwa pa man pig-aapod na aromatic variety.
Katakod kaini, pigsaysay pa man ni Credo na kun dakol pa man soboot an magbakal kan produkto ninda makakapag-produce ini nin 1 drum kan coco vinegar kaya man naghahanap ini nin mga darakulang buyers.
Kansuarin sana nakapagpabakal ini nin 5 containers kan coco sap vinegar asin su mga nakabakal kaini an maproduhir man kan magigin final product kan nasambitan ng produkto.
Mientrastanto, pigsaysay pa ni Credo na an mga igwang helang nin diabetes pwedeng magkakan kan saindang mga produkto siring kan pilinut na naka-sweetend nin coco sugar huli ta ini hababaon an glycemic index.
Sa iba pa man na mga pinagtutukan kan Chairman, pigplano man kaini na dugangan an saindang produkto siring kan hotdog, burger, longganisa na gabos gikan sa coconut huli man ta dipisil pakakanon an mga aki nin ano man na gulay.
Alagad nasa proseso pa soboot sinda kan learnings by doing asin learning by exploring.
Pigsaysay pa man ni Credo na nagpuon an saindang kooperatiba kan sinda nag attend nin seminar kan Department of Trade and Industry (DTI) asin magayon na collaboration soboot kaibahan an Department of Agriculture asin Cooperative Development Authority.
Dugang pa kaini na kun seseryosohon mo an siring na mga bagay, magigin magayon an resulta kan nasambitan ng lakdang.
Katakod pa man digde na maski sa proseso kan packaging, asin labeling gabos ini soboot suportado kan DTI
