Kinumpirmar ni Quezon City Police District Officer-in-Charge PCol. Randy Glenn Silvio na mahahampang sa mga reklamo asin kaso an mga grupo kan mga raliyista na nagsagibo nin protesta sa hampangan kan House of Representatives kasuarin sana makalihis na magkaigwa nin gapuan asin girian sa nagin programa.
Sa sarong pulong balitaan, inihayag ni Silvio na mahahampang sa mga reklamong direct assault, alarm and scandal, asin pagbalgar sa public assembly act of 1985 an mga raliyistang nagpuon soboot kan kariribokan sa hampang kan kamara.Padagos man na nakamonitor an QCPD sa mga posible pang hiro-protesta na magaganap sa Quezon City komo parte kan saindang pagpepreparar asin deployment.
Obheto man kaini na siertuhong magigin matoninong asin marhay an mga programang ikakasar kan mga progresibong grupo dara kan padagos na imbestigasyon kan kongreso sa maanomalyang flood control projects sa nasyon.
Mientrastanto, mamantiniron man na ipautob kan QCPD an maximum tolerance sa mga magaganap na hiro protesta tanganing masierto an kasalbaduhan kan kampo kan pulisya asin magin an mga grupong ini.
