Pormal nang ipinroklamar kan nakalihis na aldaw nin Lunes kan Commission on Elections (Comelec) an mga nangganang party-list groups sa katatapos sana na 2025 midterm elections.
Eksaktong alas-3:00 nin pagkahapon kan magpuon an proklamasyon para sa 54 na party-list groups na laog sa kongreso.
Sa patara-tara ni Comelec Chairman George Garcia, kinumpirmar kaini na duwang nangganang party-list an dae ipinroklama nin huli man sa mga nakabinbing kaso sa poll body.
Sigun man ki Kabataan Party-list first Nominee Atty. Renee Co, “deserve” welcome sa sainda an nagin desisyon kan poll body na dae paramientras iproklama an Duterte Youth Party-list.
Sa sarong pahayag, sinaysay kan Duterte Youth na madulok sinda sa Korte Suprema huli sa soboot nagin grave abuse of discretion kan Comelec.
Mientrastanto, nagsunad man nin urgent motion ti proclaim sa Comelec an Bagong Henerasyon Partylist para maiproklamar pa man makalihis na dae man sinda ibinali sa proklamasyon kan nakalihis na Lunes.
