Igwa na nin tyansa na magin regular an mga kawani kan gobierno na igwa nin 10 years in service palangkaw alagad bako pa permanente an status.
Sa Malacañang Insider, sinaysay ni Civil Service Chairperson Karlo Nograles ini an sa paagi kan Civil Service Eligibility Preference Rating kun saen matatawan nin plus ten points an mga government employees na sampulong taon na sa serbisyo maski dae pa nakakapasar sa Civil Service exam.
Siringman, kaipohan pa man magkua an mga ini nin Civil Service exam alagad posible nang dae maabot an 80% passing grade. Boot sabihon, an mga nakakua nin 70% hasta 79% an ikukunsiderar na pasado huli sa plus ten points an minimum 10-year requirement sa government service.
Sigun ki Nograles, ikinunsiderar ninda an mahewas na mang na karanasan kan mga nasambitan ng kawani huli na man sa haloy kan saindang pagsiserbisyo sa gobierno.
