Aram baya nindo mga ka-Bombo, matapos pagsabihan kan saindang amo na lulutuon an enot na maghiro, ang sarong grupo kan mga atamang orig an dae talaga naghiro.
Mahihiling sa video upload ni Marx Barquilla, na sarong paratukdi asin nag-aataman kan mga orig an nasambitan ng eksina.
Sa video, garo nakikipagkawat si Marx sa mga orig na nagrarani sa saiya kun pig-aapod kaini. Asin kan kilhagan kaini, nagsirayoan man sinda.
Digdi na kaini pigsubahan an mga orig na lulutoon an enot na maghiro.
An mga orig, nag-untok sa paglakaw asin dae naghiro.
Paliwanag ni Marx, instinct kan orig na magdalagan kun nakikilhagan asin pagkatapos an mauntok tanganing makimate kun igwa nin huma sa palibot ninda.
Sigun ki Dr. Romulo Bernardo, wildlife veterinarian, dae direktang naiintindihan kan mga orig an sinasabi kan tawo alagad posible sindang matukdoan sa paagi kan aksyon o gesture.
Dugang pa kaini, igwa nin tolong paagi kan pagsimbag an mga hayop kun igwa nin huma sa sainda an naglaban, an nagdulag asin an maggadan-gadanan siring kan pag-freeze.
