NAGA CITY- Nagpapadagos ngunian an paghahanap kan Naga City Police Office (NCPO) sa mga ebidensyang hinahagad sa sainda kan Fiscal Office tanganing dagos nang
masunadan nin maninigong kaso an suspek sa panlalalay kan bilyon na kantidad nin kwarta sa Tinambac, Camarines Sur.
Sa nagunong impormasyon kan Bombo Radyo Naga napag araman na dai man nagpapaluwas nin ano man na pahayag an kampo kan branch manager kan bangkong pinag-withdrawhan nin kwarta asin solamenteng an saindang legal counsel sana suboot an pwedeng magpaluwas nin pahayag huli ta nagpapadagos pa an kaso asin tibaad makaulang ini sa imbestigasyon kan mga otoridad.
Kun marurumduman, pigpabwelta kan City Prosecutors Office sa mga otoridad an kasong enot nang isinunad kontra sa suspek huli sa kakulangan nin maninigong ebidensya na maduon sa suboot paglalay kaini sa nasambitan ng dakulang kantidad nin kwarta.
