NAGA CITY- Nagseserbe komo marhay na testamento kan paggogobernar an mga pagbisto o awards na naipuli kan Naga City.
Sa nagin paghampang sa mga kagawad kan media ni Naga City Administrator Lito Del Rosario, sinaysay kaini na sa ibong kan mga problema, kalamidad na kinahampang yaon an tolos na pagbuhat kan bilog na siyudad gikan digde. Pagbuhat na nakabase sa standard na pig set kan National Government.
Sigun pa sa opisyal, an mga pagbisto na ini an matao nin mas marhay na ekonomiya sa siyudad nin huli ta kadakol an maeenkaminar na mag-invest na maresulta sa pag-uswag kan ekonomiya na madara man nin livelihood, employment, income, benipisyo asin dugang na pondo para sa Naga City.
Huli digde, padagos an pagpapasalamat kan konsehal sa LGU-Naga sa pamamayo ni Mayor Nelson Legacion, mga department heads, gabos na empleyado magin an mismong mga residentes sa saindang paglalapigot tanganing magin posible an mga parangal na ini.
Pigsaysay pa kan opisyal na an mga awards na nareseber an nagpapatunay na sa ibong kan mga pagtuyaw, batikos na narereseber igwa pa man giraray dapat na iselebrar an siyudad.
Sa ngunyan, pigsierto kaini na magpapadagos an mga programa na napuonan para sa ikaka-uswag pa kan bilog na Naga City.
