Nagpuon ng magin operational an mga paliparan sa Syria makalihis an pagpapatalsik ki President Bashar al-Assad.
An flight an gikan pa sa Damascus airport na salbadong nakalapag sa Aleppo.
Igwa nin lunad na 43 katawo an eroplano kaiba na an mga nagkapirang mga mamamahayag.
Kan nakalihis na Disyembre 8 pig abandona kan pro-Assad forces an paliparan makalihis an pag usad nin mga rebeldeng grupo na nag atake gikan pa kan nakalihis man na Nobyembre 27.
Puon kan aldaw na ito, mayong mga flights an isinagibo huli sa pagkahadit sa seguridad.
Piglalaoman man ninda na sa masunod na semana an pagpuon na kan international flights.
Marurumdumang binuksan na man kan Jordan an saindang border kan Syria na enot na pigsarado huli sa pagkadit na makuriyat an nasambitan ng kariribokan.
