Naapektaran an mga flights sa United Kingdom asin Germany huli sa matinding snowfall.
Natalbungan kaya kan mahibog na yelo an runway kan pirang mga palupadan sa UK asin magin sa Northern Ireland, Scotland asin dakulang parte kan central asin northern England.
Nasa yellow rain warning man an haros gabos na parte kan Wales magin an Manchester Airport na iyong pantolo sa pinakadakol na pasahero, an paramientras na pigsarado an saindang runways huli sa pagbulos kan mahibog na yelo.
Kabali man sa paramientras na nagpauntok nin operasyo an Bristol Airport sa west England, Birmingham Airport asin an John Lennon Airport sa Liverpool.
Magin an ruta kan mga trains sa England, Scotland asin Wales an naapektaran huli sa maraot na panahon.
Pigpatanid man kan mga weather centers kan UK asin Germany na makakaeksperyensiya pa man nin pag-uran kan mahibog na yelo sa mga masunod na aldaw.
