NAGA CITY- Nag-agrangay na ngunyan an mga paraoma sa Caroyroyan, Pili, Camarines Sur huli sa kakulangan nin tubig sa mga omahan dara kan labing init kan panahon.
Sa entrevista kan Bombo Radyo Naga ki Jerry Canave, kapitan kan nasambitan ng lugar, sinaysay kaini na komo kasimbagan digdi nagkakaigwa sinda nin rotational na pagsupply nin tubig sa mga omahan tanganing maisalbar an saindang mga tinanom gikan sa init kan panahon.
Alagad, huli sa limitadong supply kan tubig sulamenteng an mga tanuman na dae pa naanihan an pigbabali sa water supply mission asin urualdaw iba-ibang mga tanuman an pigsusupplyan kan tubig.
Pinagsugo naman soboot ninda sa mga paraoma na tolos na magparehistro orog na kun labing naapektaran kan El Niño an saindang mga tinanom tanganing tolos man sindang matawan nin maninigong tabang enkaso igwa nin ibaba na tabang an Department of Agriculture o an National Government.
