Pigpatanidan kan National ASF Prevention and Control Program an gabos na mga biyahero na mauli sa saindang sadiring mga probinsya tanganing magbakasyon ngonian na long weekend na dae magdara nin karneng orig asin pork products.
Kabali digdi an chicharon, isaw, hamon, chorizo, asin iba pang produkto.
Ginibo kan ahensya an pahayag, makalihis an nairehistrong paglangkaw kan kaso nin ASF sa nasyon.
Paliwanag kan Department of Agriculture, an virus na ini dai nagbabakasyon.
Dawa na mayong epekto an ASF sa salud nin tawo, target man kaini an mga orig na nagigin rason kan saindang kagadanan.
Marikas man suboot ining nakakaulakit sa mga ataman na orig. An pangapodan na ini komo simbag man sa paghihingoa kan gobyerno na maibitaran an paglakop kan helang na ini.
