Aminado an Department of Health (DOH) na nag-aadal sinda nin mga reporma tangani protehiran an mga pasyente gikan sa sobrang langkaw na professional fees na pigsisingil kan mga doktor.
Sa sarong entrevista, sinaysay ni DOH spokesperson Assistant Secretary Albert Domingo na an mga PF kan mga doktor sa Pilipinas an haros mayong regulasyon asin tinutukoy mismo kan mga nag bubulong.
An sistemang ini an nagtutugot sa pirang mga doktor na magsingil nin labi na halangkaw na bayad asin itinukdo na an mga kaparehas na sistema an dae nag iiral sa kadakol pang mga nasyon.
Sinaysay ni Domingo na an kakulangan kan regulasyon an nagpapasakit sa gibuhon na ganap na matustusan an mga gastuson sa ospital kan mga pasyente, orog na kun an mga doktor an unilaterally na nagtatalaan kan saindang professional fees.
Dugang pa kaini, an DOH an nakikipag-koordinar sa Philippine Medical Association (PMA) asin pig iinkaminar an grupo na pangenutan an pagtatakda nin mga saklaw kan taripa kan PF.
An mga pigsuhestyong taripa an magsirbing mga panangga sana laban sa labing halangkaw na gastos sa medikal.
