NAGA CITY- Padagos na naka-standby an mga personahe kan Office of Civil Defense tanganing tolos na magtao nin tabang sa mga mangangaipuhan na LGUs huli sa epekto kan shear line.
Sigun ki Gremil Alexis A Naz Public Information Officer kan Civil Defense 5, sinaysay kaini na 24/7 igwang nakamonitor sa saindang opisina tanganing magtaong abiso sa mga lokal na Disaster Risk Reduction sa kamugtakan kan panahon orog na sa mga pigkokonsederar na high risk area.
Katakod kaini, sa presente soboot mayo man halangkaw na numero kan mga naghahagad nin tabang an nairehistro kan saindang ahensiya kun ikukumparar kan nakalihis na huring quarter kan taong 2024.
Dugang pa kan opisyal, pag-abot man sa paglalawod kan mga parasisira, otomatik na pag nakabandera an gale warning, an kanya-kanyang mga lokal na gobierno an igwang kapasidad na magdesisyon kun tutugutan o ipagbabawal an paglalawod depende soboot sa saindangginibong assessment kan kadagatan.
Mantang para man sa mga darakulang lunadang pandagat siring kan RORO vessel, tuyong igwang nakabanderang Tropical wind signal sana pigsususpender an pagbiyahe kaini.
Sa ngunyan, pigsierto na sana kan opisyal na padagos sindang mabantay tanganing masierto na salbado an publiko.
