NAGA CITY-Dakula an pagtubod kan sarong Political Analyst na an mga pigsasagibong rallies sa nasyon an nakakatabang na malabanan an katiwalian alagad bako sa matalinong pagboboto.
Sigun ki Atty. Michael Henry Yusingco (Political Analyst, Senior Research Fellow At The Ateneo Policy Center), sinaysay kaini na may ambag ini tangani magtaas nin kamalayan sa mga problema orog na sa Political Dynasty huli ta ini an mga obheto kan nasambitan ng mga mass actions na mabuyagyag sa taumbayan an karautan kan Dinastiyang Pampulitika.
Alagad, sigun ki Yusingco, an mga rallies an dae nuarin man nakakatabang sa pagbabago kan mga binoboto kada eleksyon.
Kaidto pa man panahon yaon na an presensya kan mga Protesta, alagad mayo man nangyayaring pagbabago, pararehas na mga ngaran asin pamilya an pirme pa man giraray pigbobotohan sa Kongreso asin Senado asin nagtatrayumpong mailihir sa mga posisyon sa gobyerno, nanaig pa man giraray an Dinastiya.
Dugang pa ni Yusingco, nahihilingan nin pagkasayang sa oras an mga rallies orog na kun dae nababago an behavior kan tamang pagboboto. Pigtawan duon pa kaini na an nakalihis na mahewasang rally kan Sept 21 sa nasyon an para sa saiya, nagtao nin puwang sa labing pagka anggot kan mga presenteng henerasyon.
Nagin motibasyon ini na iluwas an kanya kanyang kaanggutan asin pagka disganar sa mga Korap na Opisyal. Alagad kun puro man sana emosyon, asin bandang huri napapaurog an pagtiwala man giraray kan mga Pinoy sa eleksyon sa dating mga pangaran, asin pamilya, mayong saysay an nasambitan ng mga protesta.
