Inabisuhan kan lado kan Department of Foreign Affairs (DFA) an mga Pinoy sa Jakarta na magtinir sa laog kan saindang mga harong asin umiwas sa kadakol na tao mantang nagpapadagos an madahas na protesta sa Indonesia.
Susog sa kalatas kan DFA na nagkakanigong makanuod an lambang mga Pinoy sa Jakarta kun pano mag ingat asin maghanap paagi para sa saindang kasalbaduhan, tangani makalikay na ma imbwelto sa ano man na huma o kapahamakan.
Sinaysay kan Philippine Embassy sa Jakarta na an syudad an medyo salbado alagad pig-asegurar na masusi kaining mino-monitor an mga kaganapan asin magpapaluwas nin dugang na mga patnubay kun kinakaipuhan.
Pumutok an nationwide protests kan nakalihis na aldaw nin Lunes huli man sa hababang sahod asin soboot sobra-sobrang allowance kan mga lehislador.
Umigting an nasambitan ng tensyon makalihis na maglakop an video na nagpapahiling kan sarong motorcycle delivery driver na hinahabol kan police vehicle.
Mientrastanto an siisay man na Pinoy na apektado kan nasambitan ng protesta an pwedeng makipag-kordinar sa numero kan Philippine Embassy’s Assistance-to-Nationals via WhatsApp
