Pinapalikay kan Department of Health (DOH) an mga Pinoy sa Japan, kasunod na man kan paglangkaw nin mga kaso kan trangkaso o influenza-like illnesses (ILIs) duman.
Pigkumpirmar ni Health Spokesman asin Assistant Secretary Albert Domingo na nagluwas nin abiso an embahada kan Pilipinas sa Japan dapit sa naikukurit na paglangkaw kan kaso nin trangkaso sa nasambitan ng nasyon.
Siringman, tulos na pigkinaw ni Domingo na mayo pa man nin outbreak kan nasambitan ng helang.
Sigun ki Domingo, dawa mayo nin outbreak na sinasabi sa Japan alagad nahiling ninda kan epidemiology bureau na naglangkaw an numero kan mala-trangkasong helang, influenza like illnesses sa Japan.
Nagpag-araman na nagpuong maglangkaw an mga kaso kan helang sa Japan kan Nobyembre 2024 alagad kan Enero an nagpuon na man soboot ining magbaba.
Pig-abisohan man ni Domingo an mga Pinoy na nagbabiyahe sa Japan na magsagibo nin kaukulang pag-iingat tanganing dae mahawa kan helang.
Kabali na digdi an regular na paghuhugas nin kamot, pagsusulot nin face mask, asin pagtatakop nin bibig kun maabo. Kun nakakamate man nin sintomas kan sakit, mas makakamarhay na magtinir na sana sa saindang mga hotel asin magparahay na muna.
