NAGA CITY- Labi an excitement na namamatean ngunian kan mga residenteng nagtitinir sa South Korea makalihis paunrahan ni North Korean lider Kim Joung-Un an imbitasyon ni South Korean President Moon Jae-In para sa nagpapadagos na Inter-Korean Summit.
Sa entrevista kan Bombo Radyo Naga ki Sylvia Espinosa, pamayo kan ‘Basta Bicol Oragon’ group sa South Korea, sinaysay kaini na maugma sinda sa “historical event” na ini huli ta pwedeng magin puon na ini kan katuninongan sa pagultanan kan duwang nasyun.
Napag araman na bako sana an mga Koreano an nakatutok ngunian sa pag-urulay kan duwang lider alagad magin an mga Pinoy asin iba pang lahing nagtitinir sa Korea.
Dugang pa kaini, mayo suboot nanutarang mga nagprotesta tanganing magpahiling kan saindang pagkontra sa duwang lider.
Meintrastanto, aminado man si Espinosa na kadaklan sa sainda an dai makapanubod na madadagos an paghampangan kan duwa huli ta sa laog nin haros 14 taon niya suboot na pagtinir sa South Korea ngunian niya sana liwat na nahiling na nagkaigwa nin direktang pag-urulay an mga lider kan South asin North Korea.
Arog kan mga namamanwaan sa nasambitan ng nasyun, naglalaom man suboot sindang magkakaigwa nin positibong resulta an nasambitan ng pag-urulay.
