NAGA CITY – Hinahanapan pa nin lugar an mga planong pumping station sa mga banwaan kan Gainza nin huli sa halangkaw na salinity level.
Sa entrevista kan Bombo Radyo Naga ki Choppy Dy Liancco Dela Cruz Public Relation Office, Metropolitan Naga Water District piglinaw kaining an inaapod na Salinity Level dae gikan sa tubig kan Mt. Isarog huli ta ini yaon sana sa Gainza, dugang pa kaini an natural na tubig na gikan sa Mt. Isarog gikan sa burabod.
Piglinaw pa kaini na bakong totoo na an tubig ma-askad huli ta an ma-askad an gikan sana sa mga kadagatan.
Kun hihilingon an Gainza naghahalo na an tubing tab-ang o bicol river asin tubig na gikan sa San Miguel Bay kun kaya nagigin halangkaw an Salinity Level rason tanganing mayong makua nin marhay na tugdukan huli sa parareho an kalidad kan nakukuang tubig.
Kun kaya highly dependent na ini sa sources kan tubig gikan sa siyudad nin Naga sa may bitisan kan Mt. Isarog.
