Nahihiling na saro sa mga rason kan Presidential Anti-Organized Crime Commission (PAOCC) sa padagos na operasyon kan mga saradit na Philippine Offshore Gaming Operations (POGO) an dae pa pagkakadakop kan pira pang POGO bosses na iyong nagtitinir sa laog kan nasyon.
Sigun ki PAOCC Executive Director Usec. Gilbert Cruz, kadakol pa man sa ngunyan an mga players, POGO workers asin POGO bosses na dae pa man nadadakop hasta ngunyan kaya pwedeng ini an primerong rason kun tano nagsasagibo pa man nin mga sararadit na operasyon an pirang POGO hubs.
Pira sa mga nahiling kan mga otoridad an mga resort kun saen nagtitinir an pirang POGO hubs, mga condo units sa Pasay na piggibong mga POGO centers asin maski underground parking an dae na man nakasalbar.
Pira pang nahihiling na rason sa padago na operasyon kan mga POGO an pagkakaigwa nin magayon na source kan mga kagamitan na maski an mga armas siring kan badil an nakakakua na an mga operators kan mga kalidad na klase kan mga badil na iyo man nakakatakot para sa PAOCC.
Ini soboot an senyales na liwar na naman na napag-adalan kan mga operators kaini kun ano an bako soboot kaluyahan kan mga otoridad na nagkakasa nin mga raid operations.
An mga POGO hubs an igwa man soboot mga magagarbong lunadan na talagang pruweba na halangkaw na kalidad an nareresiber kan mga ini gikan sa saindang main source.
Mientrastano, nagpasalamat man si Cruz na mayo na an pirang mga darakulang ilegal na POGO hubs sa nasyon asin padagos na magkakasa nin mga raids tanganing matunton an mga small-scale na POGO operators na nagtatago sa ngunyan.
