Ikinakilhag kan United Broiler Raisers Association an dagos-dagos na pagkalugi kan mga poultry raiser sa bilog na nasyon huli sa hababang demand sa karne kan manok.
Sigun ki UBRA Chairman Atty. Jose Elias ‘Bong’ Inciong, mantenidong halangkaw an karne nin manok sa mga merkado dawa pa hababa na marhay an presyo sa farmgate.
Nag-aabot sana suboot sa P102 hasta P109 kada kilo an presyo kan manok sa farmgate mantang halangkaw an presyo sa merkado asin nag-aabot sa P160 hasta P230 kada kilo.
Ini sa ibong kan halangkaw na marhay na suplay nin karne nin manok gikan sa mga local poultry farmer. Tinawan-duon ni Inciong na dakul na konsumidores an pinipiling dae magbakal nin karneng manok huli sa halangkaw na presyo, na nagkakawsa kan pagbaba kan demand, na iyo man an nagkakawsa nin pagkalugi sa mga prodyuser.
Sigun pa ki Inciong, halangkaw man an presyo kan mga commercial na sisiw na inaataman kan mga poultry raiser.
Sinabi kaini na nag-aabot sa P50 an kada pidaso nin manok mantang kan mga nakaaging bulan nag-aabot sana ini sa P25-P30 kada pidaso.
Huli digdi, nagbaba an kita kan mga poultry raiser mantang an iba sa sainda an dagusan na man na nag-unto sap ag-aataman kan mga broiler.
