Natawan nin pagbisto asin nakapagpuli nin onra an nagkapirang programa kan Bombo Radyo Philippines sa katatapos na 47th Catholic Mass Media Awards.
Nanggana komo back-to-back winner an Bombo Network News komo Best News Program.
Mantang Best Business News an Bombo Special Report kan Bombo Radyo Philippines. Best Entertainment Program man an Pinoy Memories kan 99.5 Star FM Iloilo.
Tinawan man nin special citation komo Best Public Service Program an Bombo Lifestyle kan Bombo Radyo Philippines asin Best Counseling Program kan 102.7 Star FM Manila sa segment na “Istoryang Pasada: Takbo”.
Nagkapira man na programa kan Bombo Radyo Philippines an nagin finalist siring kan Best News Program kan Bombo Radyo Cebu; Best Drama Program kan Bombo Radyo Cauayan ; Best News Feature kan Bombo Radyo Dagupan, Star FM Dagupan asin Bombo Radyo Iloilo ; Best Education Program kan Bombo Radyo Philippines asin Bombo Radyo Cauayan siringman an Best News Commentary kan Bombo Radyo Cebu.
